पुणे दि.२९( punetoday9news):-  कोरोना महामारीचा प्रादुर्भाव रोखण्याकरीता शासनातर्फे आवश्यक कार्यवाही करण्यात येत असून राज्य शासनामार्फत वेळोवेळी निर्गमित करण्यात आलेल्या आदेशास अनुसरुन परिवहन आयुक्त कार्यालयाकडून प्राप्त निर्देशानुसार पिंपरी-चिंचवड परिवहन कार्यालयांतर्गत असणा-या शिबिर कार्यालयाकडील कामे वगळता उर्वरित सर्व कामे शिकाऊ अनुज्ञप्ती जारी करणे तसेच पक्की अनुज्ञप्ती चाचणी इ.कामे शासनाने वेळोवेळी निर्गमित केलेल्या सुचनांचे पालन करुन सुरु करण्यात आले आहे.

शिकाऊ अनुज्ञप्ती व पक्की अनुज्ञप्तीच्या ऑनलाईन अपाँईटमेंट कोटा मध्ये ३० जुलै २०२० पासून बदल करण्यात आला आहे. त्यानुसार २९ जुलै २०२०  पासून शिकाऊ अनुज्ञप्ती करीता दुपारी ४ वा. व पक्की अनुज्ञप्ती करीता दु.५ वाजता ऑनलाईन अपॉईटमेंट घेता येईल.
शिकाऊ अनुज्ञप्ती पूर्वीचा कोटा -४२ बदल झालेला कोटा- ६३ व पक्की अनुज्ञप्ती पूर्वीचा कोटा – ७० व बदल झालेला कोटा – ११५ याप्रमाणे सर्व नागरिकांना सुचीत करण्यात येते की २९ जुलै २०२० पासून वरीलप्रमाणे चाचणीकरीताचा स्लॉट बुक करुन त्याप्रमाणे पूर्वनियोजित वेळेनुसार उपस्थित राहण्याचे आवाहन उप प्रादेशिक परिवहन अधिकारी, पिंपरी-चिंचवड यांनी केले आहे.