पिंपळे गुरव परिसरात २० हजार नागरिकांना दिनदर्शिका वाटप.

नवी सांगवी,दि.५ :-  पिंपळे गुरव परिसरात सामाजिक क्षेत्रात कार्यरत असणाऱ्या राष्ट्रवादी युवक काँग्रेसचे पिंपरी चिंचवड शहर कार्याध्यक्ष शाम जगताप यांच्या वतीने सालाबादप्रमाणे यंदाही दिनदर्शिका प्रकाशित करण्यात आली आहे. नुकतेच या दिनदर्शिकेचे प्रकाशन चिंचवड विधानसभेचे आमदार शंकर जगताप व पिंपरी चिंचवड राष्ट्रवादी काँग्रेस पक्षाचे नाना काटे यांच्या हस्ते करण्यात आले. 

याप्रसंगी माजी नगरसेविका सुषमा तनपुरे, राष्ट्रवादी काँग्रेस पक्षाचे उपाध्यक्ष तानाजी जवळकर, नवनाथ जांभूळकर, मच्छिंद्र काटे, मनीष कुलकर्णी, दत्ता कदम, संकेत विधाते, हिमांशू जगताप, शुभम पिंपळे, अमन दळवी, रोहन पवार आदी मान्यवर उपस्थित होते.

दिनविशेष, पंचांग यांचा समावेश असलेल्या या दिनदर्शिकेचे पिंपळे गुरव परिसरातील २० हजार नागरिकांना घरोघरी जाऊन वाटप करण्यात येत आहे.   शाम जगताप युवा मंचच्या माध्यमातून विविध सामाजिक उपक्रम सातत्याने राबवून जनतेच्या हितासाठी आपण कटिबद्ध असल्याची ग्वाही यावेळी शाम जगताप यांनी दिली.

ADVT