पुणे, दि. १६( punetoday9news):- कोरोना विषाणूच्या प्रादुर्भावात विविध आव्हानांना सामोरे जात अखंडित वीजपुरवठा व ग्राहकसेवेसाठी विशेष कामगिरी बजावणाऱ्या पश्चिम महाराष्ट्रातील १६ अभियंते, तांत्रिक कर्मचारी या कोरोना वीजयोद्धांसह उत्कृष्ट उपकेंद्र व डिजिटल शाखा कार्यालयांना पुणे प्रादेशिक कार्यालयाकडून शनिवारी (दि.१५) मानचिन्ह व प्रमाणपत्र देऊन गौरविण्यात आले.

स्वातंत्र्यदिनानिमित्त आयोजित कार्यक्रमात पुणे प्रादेशिक संचालक (प्र.)अंकुश नाळे यांच्याहस्ते पुणे परिमंडलमधील कोरोना वीजयोद्धा शाखा अभियंता व तांत्रिक कर्मचाऱ्यांसह डिजिटल शाखा कार्यालय व उत्कष्ट उपकेंद्रांना मानचिन्ह व प्रमाणपत्र प्रदान करून गौरविण्यात आले. ‘वीजयोद्धांचा गौरव हा प्रातिनिधीक असून पुणे प्रादेशिक विभागातील सर्वच अभियंते व कर्मचाऱ्यांनी कोरोना व निसर्ग चक्रीवादळाच्या खडतर परिस्थितीत चांगली कामगिरी बजावली आहे’, असे गौरवोद्गार काढत नाळे यांनी कौतुक केले. यावेळी अधीक्षक अभियंता पंकज तगलपल्लेवार, शंकर तायडे, पुनम रोकडे आदींची उपस्थिती होती. कोविड-१९ मुळे सातारा, सोलापूर, कोल्हापूर, सांगली व बारामती मंडलमधील कोरोना वीजयोद्धा व कार्यालयांना परिमंडल, मंडल कार्यालयांमध्ये गौरविण्यात आले.

पुणे प्रादेशिक विभागातील मंडलनिहाय कोरोना वीजयोद्धा पुढीलप्रमाणे: शाखा अभियंता / तांत्रिक कर्मचारी – विशाल नाईकनवरे, रोहित ढमाले (रास्तापेठ, पुणे), सन्नी टोपे , शेषनारायण फावडे (गणेशखिंड, पुणे), गणेश श्रीखंडे , गणेश लोखंडे (पुणे ग्रामीण), अमर कणसे , लक्ष्मण देबाजे (कोल्हापूर), अश्विनकुमारे बुचडे, गोविंद सागर (सांगली), रोहित राख , गोरख गावडे (बारामती), दत्तात्रय जरे , स्वप्निल जाधव (सातारा), हर्षवर्धन पाटील , आनंद कागदे (सोलापूर). तसेच मंडलनिहाय डिजिटल शाखा कार्यालय ,उत्कृष्ट उपकेंद्र पुढीलप्रमाणे: गंगा व्हिलेज शाखा , ब्रम्हासन सिटी उपकेंद्र (रास्तापेठ, पुणे), शिवाजी हौसिंग शाखा , सुसगाव उपकेंद्र (गणेशखिंड, पुणे), आळंदी शहर शाखा , आळेफाटा उपकेंद्र (पुणे ग्रामीण), निगवे शाखा , नागाळा उपकेंद्र (कोल्हापूर), विटा शाखा २, कुमठे उपकेंद्र (सांगली), भाटघर शाखा , काटी उपकेंद्र (बारामती ग्रामीण), कोळेवाडी शाखा , सदर बझार उपकेंद्र सातारा (सातारा), नातेपुते शाखा २ , अकोला उपकेंद्र (सोलापूर) परिमंडलनिहाय उत्कृष्ट उपविभागीय कार्यालय पुढीलप्रमाणे: वारजे उपविभाग (पुणे), बारामती शहर उपविभाग (बारामती), मिरज ग्रामीण १ (सांगली)