पिंपरी,दि.२०( punetoday9news):- महाराष्ट्राचे मुख्यमंत्री व महापालिका आयुक्त यांच्या आवाहनानुसार नुसार पिंपरी चिंचवड मधील नवी सांगवीतील सत्ता प्रतिष्ठान गणेशोत्सवात विविध प्रकारचे सामाजिक उपक्रम राबविणार आहे.

यावर्षी कोरोना महामारीमुळे प्रतिष्ठानच्या वतीने भव्यदिव्य मिरवणूक व प्रतिष्ठापना न करता साध्या पद्धतीने करण्याचा निर्णय घेण्यात आला. सातही दिवस विविध उपक्रम राबविण्यात येणार असल्याचे प्रतिष्ठानच्या वतीने सांगण्यात आले.

सात दिवसामध्ये  विशेष प्राविण्य घेतलेले १० व १२ वी तील प्रत्येकी पाच विद्यार्थी सत्कार , वृक्षारोपण कार्यक्रम , रक्तदान शिबीर, कोराना योद्धांचा सन्मान, दिव्यांगाना मदत , म.न.पाच्या आरोग्य विभागाच्या स्वच्छता कर्मचाऱ्यांचा सन्मान, संविधानाचे वाटप असे कार्यक्रम राबवण्यात येणार आहेत. त्याचबरोबर महाराष्ट्र कामगार कल्याण मंडळाने महाराष्ट्रातून निवडलेल्या पिंपरी चिंचवड शहरातील पाच गुणवंताचा पुरस्कार देऊन गौरविण्यात येणार आहे.