त्याचप्रमाणे  दुसरी लोकल पुण्याहून संध्या. ६ वाजून २ मिनिटांनी सुटणार असून ती रात्री ७ वाजून २७ मिनिटांनी लोणावळा स्थानकात पोहोचेल. तसेच लोणावळ्याहून संध्या. ५ वाजून ३० मिनिटांनी सुटणारी लोकल पुण्यात रात्री ७ वा. पोहोचणार आहे.

या दोन्ही विशेष लोकल येताना आणि जाताना पुणे ते लोणावळा या मार्गावरील सर्व स्थानकांवर थांबेल. राज्य सरकारने या विशेष लोकल सेवेसाठी पुण्याच्या पोलीस आयुक्तांना अत्यावश्यक सेवेतील कर्मचाऱ्यांना ओळखपत्र देण्यासाठी आणि ही प्रक्रिया पाहण्यासठी नोडल ऑफिसर म्हणून घोषित केले आहे. पुणे पोलिसांकडून देण्यात येणारी ही ओळखपत्रे क्यू आर कोडवर आधारित असतील. अत्यावश्यक सेवेतील कर्मचाऱ्यांना रेल्वे स्थानकात प्रवेश करण्यासाठी हे ओळखपत्र दाखवावे लागणार आहे.