.

.

सांगवी, दि.२५( punetoday9news):- कोरोनाच्या भीतीने यंदा शेतकरी प्रत्यक्षात हातविक्री वर फुले विकण्यासाठी शहरात न फिरल्याने व्यापाऱ्यांनी मात्र झेंडूच्या फुलाचे सोने केले.  तब्बल चारशे ते पाचशे रु. किलोने झेंडूची फुले विकली गेल्याने कोरोनाच्या मंदीतही व्यापाऱ्यांनी चांदी नव्हे तर सोने कमवले. 

  त्यामुळे यंदाचा दसरा हा फुलविक्री करणाऱ्या व्यापाऱ्यांसाठी मोठी संधीच घेऊन आल्याचे चित्र पिंपरी चिंचवड शहरातील अनेक भागात बनले आहे. मध्यम वर्गीय ग्राहकांच्या मते प्रत्यक्षात शेतकऱ्याला फायदा मिळत असेल तर १००रू.  ऐवजी २०० रूपयांतही फुले घेतली असती. मात्र इथे प्रत्यक्षात कष्टकरी शेतकरी उपाशी व व्यापारी मात्र तुपाशी असे चित्र निर्माण झाले आहे त्यामुळे व्यापाऱ्यांकडून फुले घेताना मध्यमवर्गानेही थोडा आखडता हात घेतला.

प्रतिक्रिया:-

यंदा बाजारात चारशे ते पाचशे रुपये झेंडूच्या फुलांना किलोमागे दर सांगण्यात येत असल्याने मध्यमवर्गीय नागरिकांनी सण कसा साजरा करायचा हा प्रश्न निर्माण झाला आहे. प्रत्यक्षात शेतकऱ्याच्या फायदा व्हावा.  यावर प्रशासनाचे कसलेही नियंत्रण नसल्याचे दिसून येत आहे. –  संजीवनी पुराणिक, सामाजिक कार्यकर्त्या.

यंदा अवकाळी पावसामुळे झेंडूच्या फुलांचे मोठे नुकसान झाले असून बहुतांशी झेंडूची फुलशेती नुकसानग्रस्त झाली आहे. त्यामुळे यंदा जेजुरी परिसरातूनही दरवर्षीप्रमाणे झेंडूच्या फुलांचे उत्पादन निघाले नाही.  –

कुंडलिक झगडे, युवा शेतकरी.