सांगवी:- संपूर्ण जगभरात कोरोना महामारीने थैमान घातल्याने मध्यमवर्ग नागरिक अडचणीत सापडला आहे. आजही हातांना काम नाही व काम नसल्याने पैसा नाही अशी दयणीय अवस्था त्यांची झाली आहे . पिंपरी चिंचवड मधील सांगवीतही गेल्या तीन महिन्यापासून राजू सावळे हे  महाराष्ट्र नवनिर्माण सेनेच्या माध्यमातून गरजू नागरिकांना मदतीचा हात म्हणून कार्य करत आहेत. त्याच्या  प्रयत्नातून  घरकाम करणाऱ्या महिला, गरजू मजुर, सलूनमधील कामगार, वृत्तपत्र वाटप व विक्री करणारे विक्रेते, भाजी विक्रेते, दिव्यांग , सुरक्षारक्षक अशा वेगवेगळी कामं करणारे मध्यमवर्गीय नागरिकांना मदत केली जात असून त्यांच्या संसाराला हातभार लावण्याचा प्रयत्न केला जात आहे.

त्याविचारातून रिक्षाचालकांच्या अडचणी लक्षात घेवून सांगवीतील सर्व रिक्षा स्टॅड वरील गरजू रिक्षा चालकांची माहिती घेवून त्वरित सर्व गरजू रिक्षा चालकांना जीवनावश्यक किराना वस्तूंचे वाटप करण्यात आले  .

पत्रकार- सागर झगडे.

punetoday9news.com

9922557929