पिंपळे निलख दि.१५ (punetoday9news):-  पिंपरी चिंचवड शहरातील  जुनी सांगवी,नवी सांगवी, दापोडी,पिंपळे निलख परिसरात स्वातंत्र्यदिन उत्साहात साजरा करण्यात आला.

कोरोनोच्या नियम व अटींचे पालन करत विविध संघटना,पक्ष, सामाजिक संस्था, सोसायटी यांच्यावतीने ध्वजारोहण करण्यात आले. स्वातंत्र्यदिनाचे औचित्य साधून पिंपळे निलख येथे पिंपरी-चिंचवड शहर ज्येष्ठ नागरिक संघ व शिरिष आप्पा साठे युथ फाऊंडेशनच्या वतीने ध्वजारोहण करण्यात आले.

ज्येष्ठ नागरिक संघाच्या कार्याध्यक्ष वृषाली मरळ यांच्या हस्ते ध्वजारोहण करण्यात आले. यावेळी समाजसेवक शिरिष साठे, सुरेश साठे, भास्कर इंगवले, रामदास जगदाळे, दामोदर जगताप, रामभाऊ नखाते,सोपान सदाकाळ, रामभाऊ नखाते आदी उपस्थित होते.